Tolise Oleh Nahwan Pasangio

Konda bakumpulan
Basalita
banonompoan kalu na udan
Konda ba abosan
papan babumbunggon
mongompolian Kala umang.

Tolise na tatandakan
mono konda sinulung
taus laosala doi mian na lipu
mongompoli tubuan
mau tongo mbademel ndeke.

Tolise na tatandakan
Ko kabang-kabang
na takaitonan
muno ulumon lakit
posawat tarbang.

Mau odon Konda laosalan
lipu tosungan
doi noa lalongo
mantandanda iase mele
mantamis doi tepekan salano.
*********
Samarinda,22 November 2018